Wir sind ein kleiner plattdeutscher Theaterverein aus dem Herzen des Ammerlandes. Jedes Jahr im November führen wir in der Querensteder Mühle unsere Stücke auf.

Us plattdütschen Theotervereen gifft dat all siet 1987. Ümmer in November speelt wi eene Komödie inne Quernster Möhln.
Veele van us Speelers und uk Hülpslüe achter de Bühne sünd all bannig lang dorbi, meist twüschen twintig un dartig Joahr.

Uk wenn dat veel Upwand is , so een Stück up de Bühne to bringen, so steiht bi us eens ganz baben: Nämlich de Spoaß! Spoaß an´t Speelen un Organiseern, an´t boon un basteln un an us Tosamenhalt mit so mennig moie Stunnen tohoop. Un dat markt man denn seeker uk bi us Upföhrungen. Dat wur us tominnst so seegt!

Also: Kiekt mol eben to! Wi freit us, jo to begrööten in November!

Van Haarten
jo Speelköppel

Ach, noch eens:

Wat wi ümmer brüken könnt, dat sünd junge, nee Speelers!
Dorför mött man uk noch kien Platt schnacken können, dat bringt wi jo denn all bi.
Also keen Bang, schnackt us an, schrievt us oder koamt vörbi, wenn ji Lust hebbt, Theoter to speelen. Aver pass up! Theoterspeelen maakt nämlich süchtig, dat lett so mennigeen dat ganze Leven nich mehr los…